Türkiyə Super Liqasında yeni mövsümdən VAR hakimlərinə də nəzarət olunacaq.

90plus.az xəbər verir ki, Türkiyə Super Liqasında 2025/26 mövsümündən etibarən VAR otaqlarına da nəzarət sistemi tətbiq ediləcək.

Mərkəzi Hakimlər Komitəsinin (MHK) sədri Ferhat Gündoğdu Ekol TV-yə açıqlamasında bildirib ki, artıq ilk turdan etibarən VAR otağında bir müşahidəçi fəaliyyət göstərəcək:

“Bunun iki əsas məqsədi var: Birincisi, VAR otağında proseslərin təlim məqsədilə aparılıb-aparılmadığını qiymətləndirmək; ikincisi isə hər bir sistemin nəzarət altında olması zərurətidir”.

Bu qərarla Türkiyə Futbol Federasiyası həm texniki, həm də idarəçilik baxımından VAR sisteminin işinə şəffaflıq gətirməyi hədəfləyir.