17 yaşadək futbolçulardan ibarət Azərbaycan millisinin təlim-məşq toplanışı üçün heyəti açıqlanıb. 90plus.az AFFA-ya istinadən xəbər verir ki, martın 20-də Bakıda başlayacaq hazırlığa 25 futbolçu çağırılıb. Baş məşqçi Füzuli Məmmədov ölkə xaricində legioner həyatı yaşayan cəmi bir oyunçuya dəvət göndərib. U-17-nin heyəti belədir: Tuncay Əhmədov, Əhməd Tarverdiyev, Rəşad Alışov, Babamirzə Mehdiyev, Anar Hüseynov, Əmir Əliyev (hamısı “Sabah”), Aftandil Arıxov, Vüsal Paşayev, Nadir Orucov, Elnur Cabbarlı (hamısı “Sumqayıt”), Həbib Hüşənov, Səmid Əhmədov, Ömər Kərimov, Ziya Şəkərxanov (hamısı “Qəbələ”), Həsən Mahmudov, Sadiq Məmmədli, Amin Muradov (hamısı “Neftçi”), Hikmət Cəbrayilov, Amid Qasımov (hər ikisi “Qarabağ”), Məsud Əlişanlı, Firudin Kişiyev (hər ikisi EFA), Ayxan Abbaszadə (“Turan Tovuz”), İslam İsmayilzadə (“Səbail”), Ümid Səlimov (“Şamaxı”), Həsən Nəzərli (“Ankaragücü”, Türkiyə). Qeyd edək ki, təlim-məşq toplanışı martın 28-dək davam edəcək.