UEFA Kahramanmaraşda baş verən zəlzələlərdən zərər çəkənlər üçün gələn həftə keçiriləcək oyunlarda bir dəqiqəlik sükut elan edilməsinə qərar verib . 90plus.az xəbər verir ki, UEFA-dan verilən açıqlamada qeyd olunub ki, UEFA və UEFA Uşaq Fondu Türkiyə Futbol Federasiyasına 150 min avro, təbii fəlakət bölgəsindəki iki qeyri-hökumət təşkilatına isə 50 min avro yardım edib. Açıqlamada, iyun ayında İstanbulun ev sahibliyi edəcəyi UEFA Çempionlar Liqasının finalına qədər əlavə ianələrin toplanması üçün müxtəlif tədbirlərin təşkil edilməsinin planlaşdırıldığı bildirilib.