“Fənərbağça”dan Uğurcan Çakır bombası – transfer yekunlaşır!
90plus.az xəbər verir ki, “Fənərbağça” mövsümün ən səs-küylü transferlərindən birini reallaşdırmağa çox yaxındır. İstanbul nəhəngi Türkiyə millisinin qapıçısı Uğurcan Çakırın keçidini yekunlaşdırır.
Məlumata görə, “sarı-göylər” 28 yaşlı qolkiper üçün 25 milyon avro ödəməyə razılaşıb. Uğurcan Çakır ilə illik 4 milyon avro maaş müqabilində şəxsi müqavilə şərtləri də razılaşdırılıb.
“Fənərbağça”nın “Trabzonspor”a göndərdiyi rəsmi təklifin detalları:
- 9 milyon avro nağd ödəniş
- 9 milyon avro hissəli ödəniş
- 4 milyon avro bonus
- üstəlik bir futbolçu
Beləliklə, “Trabzonspor”un kapitanı olan milli qapıçının İstanbul klubuna keçidi hər an rəsmiləşə bilər.
Qeyd: Uğurcan Çakır uzun müddətdir, Avropa klublarının da diqqət mərkəzində olsa da, “Fənərbağça” onu Super Liqada saxlamağa ən yaxın komanda olub.
