Ukrayna Avropa çempionatları tarixində 4 xalla qrupda qalan ilk komandadır.

90plus.az xəbər verir ki, dünyanın ən qəribə qrupu Avro-2024-də idi: Rumıniya 4 xalla lider oldu, Ukrayna isə 4 xalla mübarizədən kənarlaşdırıldı.

Ukrayna 0 - 0 Belçika matçında qapılara qol vurulmadı, görüş heç-heçə başa çatıb. 

Bununla da hər iki komandanın xalları 4-ə yüksəlib.

Slovakiya 1 - 1 Rumıniya matçı heç-heçə başa çatdıqdan sonra bütün komandalar qrupu 4 xalla tamamladı. 

Lakin Rumıniya çox qol vurduğu üçün qrupu lider kimi başa vurdu. Top fərqi 1 olan Belçika qrupda ikinci olub növbəti mərhələyə yüksəldi.

Top fərqi 0 olan Slovakiya ən yaxşı üçüncü yerlər sırasında yer almağı bacardı. Ukrayna isə -2 top fərqi ilə turnirlə vidalaşdı.