“Çempionlar Liqasında evdə 5 qol buraxmaq qətiyyən yolverilməzdir”. 90plus.az xəbər verir ki, bu sözləri “Liverpul” klubunun baş məşqçisi Yurgen Klopp deyib. Alman çalışdırıcı tənqidləri diqqətə almadığını söyləyib: “Real Madrid”lə oyuna bir daha baxdıq. Çempionlar Liqasında evdə 5 qol buraxmaq qətiyyən yolverilməzdir. Belə bir məğlubiyyətdən sonra insanların dediklərinə qulaq asmağın mənası yoxdur. Ona görə də medianı izləmirəm”. Klopp komandada əsas problemin zədələr olduğunu qeyd edib: “Bu mövsüm zədələr bizim əsas problemimizdi. Bir çox oyunçunun eyni problemləri var idi və bu, bizə meydanda çətinlik yaratdı. Dəyişikliklər etməli olduğumuzu bilirik və bu yay bunu aydınlaşdırmalı olduğumuz yay olacaq”.