Bu gün UEFA Çempionlar Liqasında yarımfinal mərhələsinin ilk iki iştirakçısı məlum olacaq. 9 xəbər verir ki, turnirin son çempionu “Real” ilk matçda iki cavabsız qolla məğlub etdiyi “Çelsi”nin qonağı olacaq. “Kral klubu”ndan fərqli olaraq, “zadəganlar” doğma azarkeşlər önündə keçiriləcək görüşə ciddi itkilərlə çıxacaqlar. Xüsusilə də, Xalidu Kulibali, Benjamin Çilvell və Pyer-Emerik Obameyanqın yoxluğunu vurğulamaq olar. Digər cütlükdə isə İtaliya dueli olacaq. “Napoli” səfərdə bir qolla məğlub olduğu “Milan”ı qəbul edəcək. Neapol təmsilçisinin hücumçusu Viktor Osimhen zədəsini bərpa edibsə, əvəzində Kim Min-Jae, Andre Anqissa və Covanni Simeone komandaya kömək edə bilməyəcəklər. “Milan”ın yeganə itkisi isə Zlatan İbrahimoviçdir. 1/4 final mərhələsinin digər iki görüşü aprelin 19-da olacaq. Çempionlar Liqası , 1/4 final mərhələsi Cavab oyunları 18 aprel 23:00 Çelsi (İngiltərə) – Real (Madrid, İspaniya) Baş hakim: Daniel Orsato (İtaliya)London, “Stemford Bric”İlk oyun – 0:2 23:00 Napoli (İtaliya) – Milan (İtaliya) Baş hakim: Şimon Marçinyak (Polşa)Neapol, “Dieqo Maradona” stadionuİlk oyun – 0:1