"Mançester Yunayted"in baş məşqçisi Ruben Amorim "Aston Villa"ya icarəyə verilən Markus Reşford haqqında danışıb.

90plus.az xəbər verir ki, portuqaliyalı mütəxəssis 27 yaşlı vingerin çıxışından razı olduğunu bildirib:

"Öz futbolçularıma və komandama fokuslanmışam. Reşford hazırda bizim oyunçumuz deyil. Lakin təbii ki, icarəyə verilən oyunçularımızın yaxşı performansını görmək məni sevindirir."

Qeyd: "Mançester Yunayted" Markus Reşfordu fevral ayında "Aston Villa"ya icarəyə göndərib. İngiltərəli futbolçu Birmingem təmsilçisinin heyətində çıxış etdiyi 10 rəsmi matçda 2 qol və 4 məhsuldar ötürmə ilə diqqət çəkib.