"Arsenal"ın və Rusiya millisinin keçmiş ulduzu Andrey Arşavin UEFA-nın A kateqiriyalı məşqçilik lisenziyasını qazanıb. İndi o, Avropada məşqçilik karyerasına başlamağa hazırdır, şansını gözləyir.

90plus.az xəbər verir ki, Rusiyanın ən tanınmış futbolçularından biri olan Arşavin bu dəfə məşqçi kimi diqqət mərkəzinə qayıtmağa hazırlaşır.

2018-ci ildə futbolçu həyatına son qoyan Arşavin "Arsenal"da 144 oyun keçirib, 31 qol vurub və 45 məhsuldar ötürmə edib. O, Premyer Liqa tarixinin ən unudulmaz anlarından biri olan 2009-cu ildə "Liverpul"a qarşı möhtəşəm dörd qollu performansı ilə yadda qalıb.

Arşavinin milli karyerasında ən yaddaqalan isə Avro 2008-də  Rusiyaya yarımfinala yüksəlməyə kömək etməsi olub və xüsusən də Hollandiyaya vurduğu inanılmaz qolundan sonra qlobal ulduz oldu.