“Beşiktaş” oyunçusu ilə yollarını ayırıb. 90plus.az “NTV Spor”a istinadən xəbər verir ki, Jozef de Souzanın "Beşiktaş"la müqaviləsi qarşılıqlı razılaşmadan sonra ləğv edilib. “Ağ-qaralar”la müqaviləsi mövsümün sonunda başa çatacaq braziliyalı futbolçu Çinin “Beijing Guoan” klubuna transfer olunub. 34 yaşlı futbolçu Çin komandası ilə 2 illik müqavilə imzalayıb. Qeyd edək ki, 2,5 mövsüm “Beşiktaş”da çıxış edən Souza 88 oyunda 9 qol vurub, 4 məhsuldar ötürmə edib.