Türkiyənin "Beşiktaş" klubu müdafiə xəttini yeni oyunçu ilə gücləndirib.
90plus.az xəbər verir ki, İstanbul təmsilçisi "Serik Belediyespor"dan Abdurrahman Üresini transfer edib. Bu barədə "Fanatik" nəşri məlumat yayıb.
"Beşiktaş" 21 yaşlı sağ cinah müdafiəçisi üçün 2-ci Liqa təmsilçisinə 24 milyon TL təzminat ödəyəcək.
Qeyd: Abdurrahman Üresin ötən ilin avqust ayından "Serik Belediyespor"da çıxış edir. Gənc oyunçu hazırda davam edən mövsümdə komandasının heyətində meydana çıxdığı 16 rəsmi matçda 3 qol ötürməsi ilə yadda qalıb.
