Hakan Çalhanoğlu “Qalatasaray”a keçməkdə israrlıdır — “İnter”in ulduzu qərarını verib.
90plus.az xəbər verir ki, Türkiyə mətbuatının (“Milliyet”) yaydığı məlumata görə, “İnter”in yarımmüdafiəçisi Hakan Çalhanoğlu “Qalatasaray”a keçmək istəyində qəti qərarlıdır. 31 yaşlı futbolçu ətrafı ilə söhbətində bu yay İstanbul klubuna keçməsə, gələcəkdə bunun daha da çətin olacağını bildirib.
“Ya bu yay, ya da heç vaxt… Bu dəfə “Qalatasaray”a keçməsəm, sonra bunu etmək çox çətin olacaq”, — deyə Çalhanoğlu yaxınlarına deyib.
Təcrübəli futbolçuya Səudiyyə Ərəbistanından da maraq olduğu qeyd olunur. Lakin Hakanın əsas arzusu uşaqlıqdan dəstək verdiyi və sevdiyi “Qalatasaray”da forma geyinməkdir.
Qeyd: Çalhanoğlu ötən mövsüm “İnter”in heyətində əsas oyunçulardan biri olub və komandanın A Seriyasında çempionluq yaşamasında mühüm rol oynayıb. İndi isə o, karyerasının bu mərhələsində Super Liqada sevdiyi klubun formasını geyinməyə hazırlaşır.
