"Başakşehir" və "Fənərbağça"nın keçmiş baş məşqçisi Emre Belözoğlunun yeni klubu müəyyənləşib.

90plus.az xəbər verir ki, 45 yaşlı mütəxəssis bundan sonra "Kasımpaşa"nı çalışdıracaq. Klubun mətbuat xidməti bu barədə rəsmi açıqlama verib.Lakin onunla bağlanan müqavilənin detalları hələ açıqlanmamışdır. Belözoğlu bu vəzifədə Şota Arveladzeni əvəz edib.

Xatırlatma: E. Belözoğlunun son iş yeri "Antalyaspor" olub və o, oktyabrın 7-də klubdan istefa verib.