FİFA İspaniya Futbol Federasiyasına qarşı intizam işi açdı.

90plus.az xəbər verir ki, FİFA İspaniya Futbol Federasiyasına qarşı intizam araşdırmasına start verib. Buna səbəb İspaniya – Misir yoldaşlıq oyununda tribunadan səsləndirilən anti-müsəlman şüarlar olub.

Məlumata görə, RCDE stadionunda yerli azarkeşlər oyun zamanı dəfələrlə “bote, bote, bote, musulman el que no bote” (“tullan, tullan, tullan, tullanmayana müsəlman deyilir”) şüarını səsləndirib. Bu isə stadion diktorunun xəbərdarlıqlarına baxmayaraq davam edib.

Lamin Yamal baş verənləri sərt şəkildə pisləyərək bu davranışı “cahil və irqçi” adlandırıb.

Qeyd: FİFA-nın açdığı bu intizam işi nəticəsində İspaniya Futbol Federasiyasını ciddi sanksiyalar gözləyə bilər.