"Antalyaspor"un baş məşqçisi Aleks de Souza ilə yollar ayrılıb.  

90plus.az xəbər verir ki, bununla bağlı rəsmi açıqlamanın yaxın zamanda elan ediləcəyi gözlənilir.  

Braziliyalı çalışdırıcının rəhbərlik etdiyi komandanın "Trabzonspor"a 0:5 hesabı ilə məğlubiyyətindən sonra klub rəhbərliyi bu qərarı qəbul edib. De Souzanın yerinə keçə biləcək ehtimal olunan namizədlərdən biri Murat Şahindir.  

Xatırlatma: "Antalyaspor" Türkiyə Superliqasında 21 xalla turnir cədvəlinin 13-cü pilləsində qərarlaşıb.