"Gent" (Belçika) Konfrans Liqasının pley-off mərhələsində "Qarabağ"la ilk oyun üçün Bakıya yola düşüb. 90plus.az xəbər verir ki, bu barədə klub məlumat yayıb. Belçika təmsilçisini daşıyan təyyarə artıq paytaxtımıza doğru yol alıb. Bu gün saat 19:45-də "Gent"in baş məşqçi Heyn Vanhazebrukun mətbuat konfransı təşkil olunacaq. Qeyd edək ki, fevralın 16-da Tofiq Bəhramov adına Respublika stadionunda oynanılacaq qarşılaşma saat 21:45-də başlayacaq. Cavab görüşü fevralın 23-də Gentdə olacaq.