İngiltərə çempionu "Mançester Siti"nin 24 yaşlı norveçli hücumçusu Erlinq Haaland Millətlər Liqasının 4-cü turunun oyununda Avstriya yığmasına 1:5 hesabı ilə məğlubiyyətə görə üzr istəyib.

90plus.az - ın xarici KİV-ə istinadən məlumatına görə, Norveç millisinin yeganə qolunu “Atletiko”nun hücumçusu Aleksandr Serlot vurub.

“Hər kəsdən bağışlanma diləyirəm. Mənim tərəfimdən çox pis oyun oldu. Noyabrda biz 6 xal qazanmağa çalışacağıq”, - Haaland “Instagram” səhifəsində yazıb.

Noyabrda Norveç Millətlər Liqasında Sloveniya və Qazaxıstan komandaları ilə qarşılaşacaq.