“Beşiktaş” heyətini yeni oyunçu ilə gücləndirmək istəyir. 90plus.az “Fotomaç”a istinadən xəbər verir ki, İstanbul təmsilçisi sol cinahda "Roma"nın təcrübəli futbolçusu Stefan El Şaaravi üçün hərələtə keçib. Həm İtaliya komandası, həm də 30 yaşlı futbolçunun özü ilə görüşən rəhbərlik qismən mənfi cavab alıb. “Roma” El Şaaravi üçün danışıqlara açıq olsa da, Misir əsilli italyan futbolçu "Hal-hazırda ayrılmağı düşünmürəm. Mövsümün sonunda görüşək" deyə cavab verib. Bununla belə, “Beşiktaş” rəhbərliyi bu transferdən imtina etmək istəmir. Nəticə alınmasa, iyunda ulduz futbolçu ilə daha bir görüş keçiriləcək. Qeyd edək ki, karyerasında “Milan”, “Monako” və “Roma” kimi önəmli klublarda çıxış edən El Şaaravi İtaliya millisində 29 dəfə çıxış edib və 6 qol vurub.