"Qalatasaray" klubunda gözlənilməz bir durum yaşanıb.
90plus.az xəbər verir ki, argentinalı ulduz Mauro İkardi klub rəhbərliyi ilə keçirdiyi görüşdə komandadan ayrılmaq istədiyini ifadə edib. Təcrübəli futbolçu vətəninə dönmək arzusundadır.
2026-cı ilə qədər "Qalatasaray"la müqaviləsi qüvvədə olan İkardinin ailəsinə daha yaxın olmaq məqsədilə transfer edilmək istədiyi qeyd olunur.
Xatırlatma: Son vaxtlar zədələrlə mübarizə aparan İkardi bu mövsüm "cim-bom"un heyətində cəmi 14 oyunda forma geyinib. O, həmin qarşılaşmalarda 6 qol vurub və 2 məhsuldar ötürmə ilə yadda qalıb.
Futbolçunun gələcəyi ilə bağlı yekun qərarın yaxın günlərdə veriləcəyi gözlənilir.
