"Başakşehir"in futbolçusu Məsut Özil zədələnib. 90plus.az "NTV Spor"a istinadən xəbər verir ki, bu haqda komandanın baş məşqçisi Emre Belözoğlu öz açıqlamasında bildirib. O deyib: "Məsut indi bizimlə deyil. Təəssüf ki, onun belində zədə var. Son vaxtlar yaxşı məşq edə bilmirdi. Əmliyyat olunandan sonra bir neçə həftə bizimlə məşq etdi. Amma sonra komandaya qatıla bilmədi. Hazırkı vəziyyətə görə belə görünür ki, Özil 1-2 həftə müalicə olunacaq". Qeyd edək ki, "Başakşehir" Konfrans Liqasının 1/8 final mərhələsində sabah "Gent"lə ilk oyununu keçirəcək.