“Mançester Siti”nin norveçli hücumçusu Erlinq Haaland karyerasında 300-cü qolu vuraraq komandasının Klubların Dünya Çempionatında qrup mərhələsini lider kimi tamamlamasına kömək edib.
90plus.az xəbər verir ki, Premyer Liqa təmsilçisi Orlando şəhərində 32 dərəcə isti və qısa yağış fasilələrinə baxmayaraq “Yuventus”u asanlıqla məğlub edib və 1/8 final mərhələsinə yüksəlib.
Matçın əvvəlində “Siti” sürətli hücuma başlayıb və artıq ilk 10 dəqiqədə hesabı açıb. Rayan Aytnurinin zərif ötürməsini cərimə meydanında qəbul edən Jeremi Doku rəqibi aldadaraq topu qapının aşağı küncünə göndərib. Ancaq bu üstünlük uzun çəkməyib – Edersonun səhv ötürməsindən sonra Teun Koopmeyners topu ələ keçirib və hesabı bərabərləşdirib.
“Yuventus”un buraxdığı ikinci qol isə tam bir komediya idi – rəqibin təzyiqi olmadan müdafiəçi Pyer Kalulu topu öz qapısından keçirdi. Haaland ikinci hissədə oyuna daxil olduqdan sonra Matteuş Nuneşin ötürməsindən sonra qolu qeydə aldı – bu onun klub səviyyəsində 258-ci, ümumilikdə isə 300-cü qolu idi. Daha sonra Fil Foden yaxın məsafədən fərqləndi, Savinyo isə əla zərbə ilə hesabı 5:1 etdi.
Duşan Vlahoviçin son dəqiqələrdə vurduğu təsəlli qolu isə “Yuventus” üçün yetərli olmadı. Bu nəticə ilə “Siti” qrup mərhələsində maksimum nəticə göstərib.
Oyunda həmçinin Rodri də diqqət çəkib – zədə səbəbilə uzun müddət oynamayan ispan yarımmüdafiəçi ilk dəfə start heyətində meydana çıxıb və 65 dəqiqə ərzində 71 ötürmə ilə oyunun tempini idarə edib. Nuneşin müdafiədə və hücumda verdiyi töhfələr Aytnurinin sağ cinahda dayanmadan etdiyi qaçışlar və ilk assisti də diqqətdən yayınmayıb.
Yuventus 2-5 Man Siti
Doku 9'
Kopmeiners 11'
Kalulu 26' (öz qapısına)
Haland 52'
Foden 69'
Savinyo 75'
Vlahovic 84'
Qollar:
https://t.me/doxsanplus/104574
https://t.me/doxsanplus/104575
https://t.me/doxsanplus/104576
https://t.me/doxsanplus/104578
https://t.me/doxsanplus/104579
https://t.me/doxsanplus/104580
Qrupda son vəziyyət:
1. Man Siti - 9 xal
2. Yuventus - 6 xal
3. Al Ain - 3 xal
4. Uidad Kasablanka - 0 xal
“Mançester Siti” və "Yuventus" növbəti mərhələdə! Rəqib isə bu gün gecə keçiriləcək “Real Madrid” – “Zalsburq” qarşılaşmasından sonra məlum olacaq. Potensial rəqiblər sırasında “Əl-Hilal” da var.
