Argentina millisinin üzvü Lautaro Martinez komanda yoldaşı Lionel Mess haqqında danışıb. 90plus.az "TyC Sports"a istinadən xəbər verir ki, o, Messinin DÇ-2022-nin 1/4 finalında Niderlandı məğlub etdikləri görüşdən sonra rəqibin futbolçularının açıqlamalarına əsəbiləşməsini xatırlayıb. Lautaro deyib: “Onlar bizim haqqımızda və matç zamanı baş verənlərdən çox danışdılar. Guya biz aqressivlik nümayiş etdirdik, amma oyundan əvvəl daha çox danışanlar onlar idi. Bütün diqqətimizi oyuna yönəltmişdik. Lakin onların açıqlamalarını gördük. Messi qəzəblənəndə heç kimin qurtulmaq şansı olmur. Bu, əlbəttə ki, bizim üçün vacibdir. Çünki Messi əvəzolunmaz futbolçudur".