“Neftçi” heyətini heyətini yeni futbolçu ilə gücləndirib. 90plus.az paytaxt klubuna istinadən xəbər verir ki, argentinalı Lukas Melano ilə müqavilə bağlanıb. 30 yaşlı forvard yaxın günlərdə Bakıya gələrək tibbi baxışdan keçəcək. Bildirilib ki, daha sonra müqavilənin detalları haqqında ətraflı məlumat paylaşılacaq. Sonuncu klubu “Atletiko Sarmiento” (2023) olan Lukas Melano Argentinanın “Nyuells Old Boyz” (2022), “Sentral Kordoba” (2021), “San-Lorenso de Almaqro” (2021), “Atletiko Tukuman” (2019-2021), “Estudiantes” (2017-2018), “Lanus” (2013-2015), “Belqrano” (2011-2013, 2017), həmçinin Çilinin “Universidad Katolika” (2022) və ABŞ-ın “Portlend Timbers” (2015-2019) klublarında çıxış edib. Futbolçu 2013-cü ildə “Lanus”la Sudamerikana kubokunun, 2015-ci ildə isə “Portlend Timbers”lə MLS kubokunun qalibi olub. O, 2013-cü ildə Argentinanın U-20 milli komandasının heyətində 3 oyun keçirib, 1 qol vurub.