Florentino Peresdən sərt çıxış: “Mən ‘Real Madrid’ üçün heyvan kimi gecə-gündüz işləyirəm”.
90plus.az xəbər verir ki, "Real Madrid" klubunun prezidenti Florentino Peres keçirdiyi mətbuat konfransında həm öz gələcəyi, həm də klub ətrafındakı qalmaqallar barədə çox sərt açıqlamalar verib. Peres istefa verməyəcəyini açıqlayıb və klubda yeni seçkilərin keçiriləcəyini rəsmən elan edib.
Təcrübəli funksioner ona qarşı kampaniya aparıldığını bildirib:
“Mən istefa vermirəm. Klubda yeni seçkilər elan edirəm”.
Peres iddia edib ki, müəyyən qüvvələr onu klubdan uzaqlaşdırmağa çalışır:
“Mənə qarşı kampaniya aparılır. Amma hələ də buradayam və prezident mənəm”.
“Bəziləri deyir ki, xərçəngəm, klubdan getmək istəyirəm. Bunların hamısı uydurmadır”.
O, “Real Madrid” üçün gecə-gündüz çalışdığını xüsusi vurğulayıb:
“Mən ‘Real Madrid’ üçün heyvan kimi gecə-gündüz işləyirəm”.
Peres prezidentliyi dövründə qazandığı uğurları da xatırladıb:
“Mən bu klubla futbolda 37 titul qazanmış prezidentəm”.
“Tarixdə ən çox titul qazanan prezident mənəm, bunu unutmayın”.
O, klubun dünyanın ən böyük futbol təşkilatı olduğunu söyləyib:
“‘Real Madrid’ dünyanın ən çox titul qazanan klubudur. ‘Forbes’a görə ən dəyərli klub və ən dəyərli brenddir”.
Prezident bəzi media qurumlarını da hədəf alıb:
“Niyə həmişə ‘Real Madrid’i tənqid edirlər? Niyə heç vaxt digər klublara qarşı belə olmurlar?”
“Həmişə ‘Real Madrid’…”.
Peres klub daxilindən məlumat sızdıran şəxslərə də mesaj göndərib:
“Sızdıranların kim olduğunu mənə buraxın. Onlarla mən məşğul olacağam”.
O, komanda daxilində baş verdiyi deyilən problemlərin mediaya çıxmasının əsas problem olduğunu bildirib:
“Valverde və Çuameni ilə bağlı məsələ pis idi, amma mediaya çıxması daha pisdir”.
Gələcək baş məşqçi barədə danışmaqdan imtina edən Peres futbolçular haqqında da açıqlama verməyəcəyini deyib:
“Bu gün burada məşqçi barədə danışmağa gəlməmişəm”.
“Mbappe, Vinisius və digər oyunçular haqqında danışmayacağam”.
Peres azarkeşlərə də müraciət edib:
“Futbolçularımızı fitə basmaq heç vaxt mənə məntiqli gəlməyib. Bu, öz övladlarını fitə basmaq kimidir”.
Klub prezidentinin ən diqqətçəkən açıqlamalarından biri isə gələcəyi ilə bağlı olub:
“Məni klubdan qovmaq istəyənlər var? O zaman seçki keçirək və görək kim qalib gələcək”.
“Məni bu klubdan çıxarmaq istəyirlərsə, məni güllələməlidirlər”.
“Jürilər qərar verməyincə Florentino heç yerə getməyəcək”.
Peres hakimlik məsələlərinə də toxunub və UEFA-ya dosye göndərəcəklərini bildirib:
“Negreyra işi idman korrupsiyası qalmaqalıdır və hələ də təsirlərini göstərir”.
“Həmin dövrdən qalan hakimlər hələ də oyun idarə edir”.
O, hətta cari mövsümdə komandanın hakim səhvləri səbəbindən xal itirdiyini iddia edib:
“Bu mövsüm La Liqada bizdən 18 xal oğurlanıb”.
“Negreyra işi” "Barcelona" klubunun keçmiş rəsmisi Joze Mariya Neqreyra ilə bağlı korrupsiya qalmaqalıdır. İddialara görə, “Barselona” illərlə onun şirkətlərinə ödəniş edib. Klub bunu məsləhət xidməti kimi izah etsə də, məsələ hakimlərə təsir şübhəsi ilə araşdırılır. "Real Madrid" də bu məsələni həmişə gündəmdə saxlayır.
