“Neftçi”dən ayrılandan bəri klubsuz olan Fəhmin Muradbəylinin yeni klubu müəyyənləşib.  90plus.az xəbər verir ki, yarımmüdafiəçi birinci divizion təmsilçisi “Araz Naxçıvan”la anlaşıb. Bu barədə Naxçıvan təmsilçisinin mətbuat xidməti məlumat yayıb. Futbolçu yeni klubu ilə mövsümün sonuna qədər müqavilə baglayıb.  “Neftçi”nin yetirməsi olan Fəhmin Muradbəyli 2013-2018, 2020-2021-ci illər ərzində ağ-qara formada 94 oyunda meydana çıxıb, 8 qol vurub. O, ötən mövsümün ikinci yarısını icarə əsasında “Şamaxı”da keçirib. Muradbəyli Azərbaycanın U-21 yığmasının da sabiq üzvüdür.