Sərbəst güləş üzrə Azərbaycan millisinin üzvü Turan Bayramov (74 kq) Bakıda Olimpiya təsnifat turnirində Paris-2024-ə vəsiqə qazanması barədə danışıb. 90plus.az xəbər verir ki, ikiqat dünya və dördqat Avropa çempionu olan İtaliya təmsilçisi Frank Çamizonu məğlub edərək lisenziya qazanan Turan bunu son saniyələrdə bacardığını vurğulayıb: “Turnir Azərbaycanda təşkil olunduğu üçün ikiqat motivasiya ilə hazırlaşırdım. Dünya çempionatında sona 3 saniyə qalmış lisenziyanı əldən vermişdim. Burada isə əksinə, sona 3 saniyə qalmış lisenziya qazandım”.