"Yuventus"un futbolçusu Pol Poqba zədəsini sağaldıb. 90plus.az İtaliya mətbuatına istinadən xəbər verir ki, bu barədə klubun baş məşqçisi Massimiliano Alleqri məlumat verib. O, fransalı yarımmüdafiəçinin A seriyasının 24-cü turunda "Torino" ilə görüşdə oynaya biləcəyini söyləyib. "Poqba özünü daha yaxşı hiss edir. O, oyun üçün iştirak ərizəsində yer alıb. Ona "Torino" ilə qarşılaşmada bir neçə dəqiqə vaxt vermək imkanımız olub-olmayacağını görəcəyik". Qeyd edək ki, sözügedən görüş sabah keçiriləcək. Xatırladaq ki, Poqba ötən ilin sentyabrında əməliyyat olunub və bu mövsüm oynamayıb.