“Qarabağ” bu gün UEFA Çempionlar Liqasının 2023/2024 mövsümündə ilk oyununa çıxacaq. 90plus.az xəbər verir ki, “köhlən atlar” 1-ci təsnifat mərhələsinin ilk oyununda Cəbəllütariqdə “Linkoln”un qonağı olacaq. “Viktoriya” stadionunda keçiriləcək matç saat 19:30-da başlayacaq. Komandalar arasında cavab görüşü iyulun 19-da Bakı Olimpiya Stadionunda keçiriləcək. Bu cütün qalibi 2-ci təsnifat mərhələsində “Rakuv” (Polşa) – “Flora” (Estoniya) cütünün güclüsü ilə qarşılaşacaq. Çempionlar Liqası, 1-ci təsnifat mərhələsi İlk oyun 11 iyul 19:30 Linkoln (Cəbəllütariq) – Qarabağ Hakimlər: Vitali Spasennikov, Raymonds Tatriks, Arturs Sakurovs Aleksandrs Anufriyevs (hamısı Latviya) “Viktoriya” stadionu.