“Qarabağ”ın UEFA Avropa Liqasının qrup mərhələsində rəqibi olan İsveçin “Hakken” klubu yeni transferini rəsmiləşdirib. 90plus.az klubun rəsmi saytına istinadən xəbər verir ki, İsveç millisinin futbolçusu Ayxam Usu heyətə cəlb olunub. 23 yaşlı mərkəz müdafiəçisi Çexiyanın “Slaviya” klubundan icarəyə götürülüb. Müqaviləyə əsasən Usu bu ilin sonuna qədər “Hakken”in formasını geyinəcək. UEFA Avropa Liqasının H qrupu çərçivəsində “Qarabağ”la “Hakken” arasında ilk oyun oktyabrın 5-də İsveçdə keçiriləcək.