Konfrans Liqasının pley-off mərhələsinin ilk oyununda “Qarabağ”ın qonağı olacaq "Gent" Bakıda dəstəksiz qalmayacaq. Ağdam klubunun mətbuat xidmətinin rəhbəri Gündüz Abbaszadənin 90plus.az-a verdiyi məlumata görə, Belçika təmsilçisi "Qarabağ"dan 50 azarkeş üçün yer istəyib: "Bu say dəyişə də bilər. Ancaq hazırda istədikləri 50 biletdir" - deyə klub rəsmisi bildirib. Qeyd edək ki, fevralın 16-da Tofiq Bəhramov adına Respublika stadionunda keçiriləcək "Qarabağ" - "Gent" oyunu saat 21:45-də başlayacaq.