Qarsiya parlayır, Endrik təşvişdə – Xabi Alonsodan tərif gəldi.

90plus.az xəbər verir ki, Klubların Dünya Çempionatında Qonsalo Qarsiyanın ön plana çıxması “Real Madrid”in digər gənc hücumçusu Endriki narahat edib.

Kilian Mbappenin xəstəlik səbəbilə iştirak etmədiyi turnirdə Qarsiya vacib rol oynayıb – o, indiyə qədərki bütün qrup oyunlarında qol və ya assistlə fərqlənib və Xabi Alonsonun etimadını qazanmış görünür.

“Qonsalonun qapı hissi çox güclüdür,” – deyə Alonso son qələbədən sonra bildirib. “O, hərəkətləri və oyunu oxuma qabiliyyəti ilə mənə Raulunu xatırladır.”

“Marca”nın məlumatına görə, gənc braziliyalı futbolçu Endrik yerini itirməkdən ehtiyat etdiyi üçün, hələ tam hazır olmasa da, ABŞ-a – komandanın yanına qayıtmaq qərarına gəlib.

Xabi Alonso Qarsiyanın heyətə düşməsinin səbəblərini belə izah edib: “O, bizə balans verir, pressinqdə aktivdir və meydana çıxanda həmişə nəsə qatır. Fürsəti oldu və onu çox yaxşı dəyərləndirdi.”