“Çelsi”nin baş məşqçisi Qrem Potter klubun azarkeşlərinin ona ünvanladığı məktublar barədə danışıb. 90plus.az “Reuters”ə istinadən xəbər verir ki, ingilis mütəxəssis fanatların ona və övladlarına ölüm arzuladığını bildirib: “Dəstək mesajları ilə yanaşı, mənim və övladlarımın ölümünü arzulayan mesajlar da azarkeşlər tərəfindən elektron-poçt ünvanıma göndərilir. Bu, xoşagəlməzdir. Belə olduğu halda, necə davranmalıyam? Həmişə demişəm: nə qədər zirvədə olsaz, bir o qədər təzyiqlə üz-üzə gələcəksiniz”. Qeyd edək ki, uğursuz mövsüm keçirən “Çelsi” hazırda İngiltərə Premyer Liqasının turnir cədvəlində 31 xalla 10-cu pillədə qərarlaşıb. Potter ötən ilin sentyabrında London klubunu çalışdırır.