İngiltərə millisində çıxış edən Meyson Qrinvud milli komandasını Yamaykaya dəyişmək qərarına gəlib.

90plus.az xəbər verir ki,  23 yaşlı forvard  rəsmi olaraq anasının vətəni olan Yamaykanı təmsil etmək üçün seçimin dəyişdirilməsini tələb edib. 2020-ci ildə "Üç Şir"də yeganə oyunda şans qazanan ingilis forvard o vaxtdan bəri milli komandanın heyətində iştirak etmir.

Onun böyük turnirlərdə İngiltərə millisindən  kənarda qalması, meydandan kənar mübahisələri buna səbəb olub.

İndi İngiltərə Futbol Federasiyasının baş direktoru Mark Bullinqem tərəfindən təsdiqləndiyi kimi, Qrinvud millisini dəyişmək üçün rəsmi addımlar atıb.

“Başa düşürəm ki, o, seçimi dəyişdirməyi xahiş edib. Bu, rəsmi olaraq baş verdi, ona görə də o [İngiltərə millisinə] artıq heç vact seçilə bilməyəcək, çünki seçimi yalnız bir dəfə dəyişə bilərsiniz”, - Bullingem bildirib.

Bu qərar Qrinvudun karyerasında əhəmiyyətli bir dönüş nöqtəsidir, çünki o, Yamayka ilə milli səviyyədə bacarıqlarını göstərmək istəyir.

📰: The Sun; The Athletic; Africa Top Sports