Rusiya millisinin İranla keçirəcəyi yoxlama oyununun vaxtı açıqlanıb. 90plus.az xəbər verir ki, bu barədə İran Futbol Federasiyasının mətbuat xidməti məlumat yayıb. Qarşılaşma martın 23-də, Tehranda keçiriləcək. Xatırladaq ki, Rusiya millisi Ukrayna ərazisinə silahlı müdaxiləyə görə bütün beynəlxalq rəsmi turnirlərdən kənarlaşdırılıb. Valeri Karpinin baş məşqçilik etdiyi komanda DÇ-2022-ni buraxıb. Həmçinin Rusiya millisi Avro 2024 və Millətlər Liqasının seçmə mərhələləri üçün püşkatmada da iştirak etməyəcək. Rusiya millisi 2022-ci ildə üç yoldaşlıq oyunu keçirib. Komanda Qırğızıstanı (2:1) məğlub edib, Tacikistan (0:0) və Özbəkistanla (0:0) bərabərə qalıb.