Sabah"ın futbolçusu Con İrasabal Misli Premyer Liqasının 22-ci turunda "Qarabağ"la oyunu buraxacaq. 90plus.az xəbər verir ki, buna onun ölkə çempionatının 21-ci turunda "Səbail"lə matçda qırmızı vərəqə alması səbəb olub. Görüşün baş hakimi İnqilab Məmmədov ispan müdafiəçinin 66-cı dəqiqədə rəqibin hücumçusu Qoba Zakpaya qarşı kobudluğunu sarı vərəqə kimi dəyərləndirib. Ancaq referi VAR-a baxdıqdan sonra qərarını dəyişərək oyunçuya birbaşa qırmızı vərəqə göstərib. Bu isə o deməkdir ki, o, 22-ci turun mərkəzi görüşü olan "Qarabağ"la qarşılaşmada oynamaycaq. Qeyd edək ki, fevralın 11-i keçiriləcək "Qarabağ" - "Sabah" oyunu saat 17:00-da başlayacaq.