“Bavariya"nın futbolçusu Sadio Mane zədəsini sağaltmaq üzrədir. 90plus.az xəbər verir ki, bu barədə "Bild" məlumat yayıb. 30 yaşlı hücumçu fevralın 20-dən gec olmayaraq komanda ilə məşqlərə başlayacaq. Onun martın 8-də Çempionlar Liqasının 1/8 final mərhələsində PSJ ilə cavab oyununda meydana çıxa biləcəyi bildirilib. Qeyd edək ki, Mane bu mövsüm Çempionlar Liqasında 6 oyun keçirib, 3 qol vurub və 1 qolun ötürməsini verib. O, zədə səbəbindən noyabr ayından bəri oynamır.  Xatırladaq ki, “Bavariya” ilk oyunda PSJ-yə 1:0 hesabı ilə qalib gəlib. Bu komandalar arasında cavab matçı martın 8-də Münhendə olacaq.