Qadına təcavüz ittihamı ilə 2023-cü ilin yanvarından həbsdə olan İspaniya “Barselona”sının və Braziliya millisinin sabiq müdafiəçisi Dani Alves barədə yeni məlumat var. 90plus.az " life.ru "ya istinadən xəbər verir ki, futbolçu həmin gecə sərxoş olduğu barədə ifadə verib. Bu, onun idrak qabiliyyətini zəiflədib, nə etdiyini dərk etməməsinə səbəb olub. İspan mənbələrinin fikrincə, bu yüngülləşdirici amil ola bilər. Alvesin sərxoş olduğu barədə fikir ilk dəfə səslənirdi. Bu iş üzrə məhkəmə prosesi fevralın 5-7-də olacaq. Xatırlatma : adı açıqlanmayan bir qadın 2023-cü ilin yanvar ayının əvvəlində braziliyalı Dani Alvesi cinsi təcavüzdə ittiham etmişdi. Futbolçu bu səbəbdən saxlanılıb. Zərərçəkənin dediyinə görə, Alves ona cinsi təcavüz edib, həmçinin gecə klublarının birində döyüb. Titullu futbolçu heç nədən qorxmadığını və vəziyyətin istənilən nəticəsini qəbul edəcəyini bildirib.