Dostları ilə mərcə girərək Ronaldo ilə şəkil çəkdirdi və dünya idman mediasına manşet oldu!

90plus.az xəbər verir ki, Türkiyə-Portuqaliya (0:3) matçında  stadiona daxil olaraq Ronaldo ilə şəkil çəkdirən uşağın kim olduğu ortaya çıxıb. 

Mühafizəni yarıb stadiona daxil olan 10 yaşlı Berat, Almaniyada yaşayan türkiyəli həvəskar futbolçudur. Almaniya klublarından "KSV Hessen Kassel"in U-11 komandasında çıxış edən Berat dostları ilə oyundan əvvəl Ronaldo ilə şəkil çəkdirəcəyinə dair mərc edib. Berat: "Sabah məktəbdə bu böyük hadisə olacaq. Hamı Ronaldonun qoxusunu soruşur, amma qoxusunu ala bilmədim" - deyə bildirib. 

Həmçinin Berat Ronaldo ilə şəkil çəkdirdikdən sonra sevincini belə ifadə edib: "Arzularımı gerçəkləşdirdim. İndi Kristiano Ronaldo ilə şəklim var. Onu köynəyimdə çap edib otağımda saxlayacam"

Qeyd: Berat 24 km/saat sürətlə qaçaraq meydana daxil olub və Ronaldo ilə selfi çəkməyə nail olub. O, skamyanın damına çıxıb və 2 metr hündürlükdən otların üzərinə hoppanıb.