Serbiyanın paytaxtı Belqradda UEFA-nın 49-cu Konqresində UEFA İcraiyyə Komitəsinə seçkilər baş tutub.
90plus.az xəbər verir ki, UEFA İcraiyyə Komitəsininə 4 illik olmaqla 8 nəfər seçilib:
Frank Paau (Niderland) - 49 səs
Qabriele Qravina (İtaliya) - 48 səs
Hans-Yoahim Vatske (Almaniya) - 48 səs
Maryan Kustiç (Xorvatiya) - 42 səs
Ari Lahti (Finlandiya) - 41 səs
Ayvar Pohlak (Estoniya) - 37 səs
Armen Melikbekyan (Ermənistan) - 29 səs
UEFA İcraiyyə Komitəsinə 4 illik müddətinə seçilən tək qadın:
Lise Klaveness (Norveç) - yekdilliklə seçilib
UEFA İcraiyyə Komitəsinə iki illik seçilənlər:
Rafael Luzan Abal (İspaniya) - 32 səs
Moşe Zuares (İsrail) - 31 səs.
Ukrayna Futbol Federasiyasının prezidenti Andrey Şevçenko UEFA İcraiyyə Komitəsində yer ala bilməyib. O, cəmi 15 səs toplayıb.
Şevçenkonun fikirləri: “İlk növbədə, məni UEFA İcraiyyə Komitəsinin üzvlüyünə namizəd kimi irəli sürən regional futbol assosiasiyalarına və UAF İcraiyyə Komitəsinə bir daha təşəkkür etmək istəyirəm. Kampaniyanın bu iki ayı ərzində hər kəslə şəxsən görüşmək və ya danışmaq imkanım oldu. İcraiyyə komitəsində yer uğrunda mübarizədə həmkarlarımdan böyük dəstək aldım.
Bütün həyatım və karyeram boyu idman prinsiplərini rəhbər tutmuşam. Mən dürüst, açıq və şəffaf mübarizə aparmağa öyrəşmişəm. Mən futboldanam və futbolla bağlıyam.
Ancaq təəssüf ki, son günlər bizə müəyyən siqnallar gəldi ki, siyasi aspektlərə görə Ukraynanı və şəxsən məni UEFA-nın rəhbər orqanında görmək istəmirlər. Bunu Konqresin özündə sonrakı hadisələr də təsdiqlədi.
Bu baxımdan, mənə və Ukraynaya səs verən milli birliklərə ürəkdən minnətdaram. Axı bu, təkcə mənim üçün deyil, bütün ölkəmiz üçün səsvermə idi.
Biz mövqeyimizi dəyişməyəcəyik və futbolumuzda islahatları davam etdirəcəyik. Biz həmçinin dövlətimizin və futbol ictimaiyyətinin maraqlarına uyğun olaraq beynəlxalq əlaqələri davam etdirəcəyik”.
Qeyd: UEFA-nın bu konqresində AFFA rəhbərliyi də iştirak edib.
