Braziliyanın "San Paulo"da klubunda çıxış edən Xames Rodriqes Qətər klubu "Al-Rayyan"dakı günləri barədə narazılıqla danışıb. 90plus.az "The Sun"a istinadən xəbər verir ki, kolumbiyalı futbolçu Qətər mədəniyyətinin onu şoka saldığını deyib: "Qətərdə həyat və mədəniyyət çox çətin idi. Bilirsiniz ki, futbolda hamı duşda çılpaq olur. Lakin komanda yoldaşlarım mənə dedi ki, duşda soyuna bilmərəm. Qorxmuşdum. Hamı əlləri ilə yeyirdi, bu, mənim üçün çox çətin idi. Çəngəl-bıçaq istəyəndə dedilər ki, "yox, əllərinlə ye"! Cavab verdim ki, sən dəlisən, əlimlə yeməyəcəyəm”. "Bayern Münhen" dönəmindən də danışan kolumbiyalı oranın soyuqluğundan şikayətlənib: "Orada soyuqdur. Bavariyada mənə müstəsna münasibət göstərilsə də, almanlar da soyuq adamlardır. Səhər saat 9-da məşqə gedəndə maşını işə saldım, temperatur -28 idi".