"Yuventus"un idman direktoru Canluka Pessotto yarımmüdafiəçi Anhel Di Mariyanın gələcəyi ilə bağlı açıqlama verib. Qol.az xəbər verir ki, klub rəsmisi italiya mətbuatına açıqlamasında argentinalı futbolçunun komandada qalacağına inandıqlarını deyib: "Anhel komandanın keyfiyyətini daha da artırır. Komanda yoldaşları hər zaman onu izləyir. Ümid edirəm ki, bizimlə qalacaq. Mövsümü yaxşı yerlərdə bitirməyimiz vacibdir. İnanıram ki, Di Mariya da sona qədər əlindən gələnin ən yaxşısını edəcək". Qeyd edək ki, 35 yaşlı futbolçunun "qoca sinyora" ilə müqaviləsi mövsümün sonuna qədərdir. O, bu mövsüm 21 oyunda 7 qol vurub.