“Sabah”ın Avropa Liqasındakı rəqibi bəlli oldu – rəqib Sloveniya təmsilçisidir.
90plus.az xəbər verir ki, bu gün UEFA Avropa Liqasının 2025/26 mövsümünün I təsnifat mərhələsinin püşkatma mərasimi keçirilib. İsveçrənin Nyon şəhərində baş tutan tədbirdə Azərbaycanı təmsil edən “Sabah” klubunun da rəqibi müəyyənləşib.
Debüt mövsümündə qitəmiqyaslı turnirdə çıxış edəcək “Sabah” Sloveniyanın “Selye” klubu ilə üz-üzə gələcək. Cütün ilk oyunu iyulun 10-da Bakıda, cavab qarşılaşması isə iyulun 17-də Sloveniyada keçiriləcək.
Püşkün nəticələrinə əsasən formalaşan digər cütlüklər isə belədir:
- “Şaxtyor” (Donetsk, Ukrayna) – “İlves” (Finlandiya)
- “Şerif” (Moldova) – “Priştina” (Kosovo)
- “Spartak” (Trnava, Slovakiya) – “Hakken” (İsveç)
- “Legiya” (Polşa) – “Aktobe” (Qazaxıstan)
- AEK (Larnaka, Kipr) – “Partizan” (Serbiya)
- “Paksi” (Macarıstan) – ÇFR (Rumıniya)
- “Levski” (Sofiya, Bolqarıstan) – “Hapoel” (Beer-Şeva, İsrail)
Qeyd: Bu mərhələ iki oyundan ibarət olacaq və qalib gələn komandalar II təsnifat mərhələsinə yüksələcəklər.
