UEFA Avropa Liqasının finalında sabah qarşılaşacaq İngiltərə klubları “Tottenhem” və “Mançester Yunayted”in UEFA siyahısında yer alan futbolçularının ümumi dəyəri 1 milyard 469 milyon avro təşkil edir.

90plus.az xəbər verir ki, “Tottenhem”in heyətinin bazar dəyəri 776 milyon 100 min, “Mançester Yunayted”in isə 693 milyon 250 min avrodur.

“Tottenhem”in heyətində ən yüksək dəyərə malik futbolçu 60 milyon avro ilə isveçli yarımmüdafiəçi Deyan Kulusevskidir. “Mançester Yunayted”in ən dəyərli oyunçuları isə hər biri 55 milyon avro dəyərində qiymətləndirilən Leny Yoro, Kobbie Mainoo və Bruno Fernandesdir.

Böyük marağa səbəb olan bu final qarşılaşması təkcə futbol baxımından deyil, həm də heyət dəyəri baxımından mövsümün ən bahalı oyunlarından biri kimi yadda qalacaq.