“Barselona” və Braziliya millisinin keçmiş üzvü Dani Alveş cinsi təcavüzdə təqsirli bilinərək 4 il 6 ay müddətinə azadlıqdan məhrum edildi. 90plus.az "COPE" saytına istinadla xəbər verir ki, 5 il nəzarət altında azad edilmə üstəgəl 9 il 6 ay ərzində qurbanla ünsiyyətdə olmamaq cəzası da verilib. O, həmçinin 150.000 avro təzminat və məhkəmə xərclərini ödəyəcək. Prokuror 9, ittihamçı isə 12 il iş tələb etmişdi. Lakin spirt yüngülləşdirici hal kimi qəbul edildiyindən, cəza müddəti 4 il 6 ay olub. Qeyd : Dani Alveş 2023-cü il yanvarın 20-də gecə klubunda bir qadına təcavüz ittihamı ilə saxlanılıb. Braziliyalı müdafiəçi "Barselona" ilə 6 dəfə İspaniya çempionu, 1 dəfə Çempionlar Liqası, ölkə kuboku və Superkubokunu qazanıb. Alveş Braziliya millisi ilə iki dəfə Amerika Kubokunu və Konfederasiya Kubokunu da əldə edib.