Braziliya millisinin və "Barselona"nın sabiq müdafiəçisi Dani Alveş apellyasiya şikayətinə qədər girov müqabilində həbsdən buraxılıb. 90plus.az xəbər verir ki, braziliyalı girov ödəmək üçün 1 milyon avro toplaya bilib. Onun hesabları dondurulub. Alveş girov ödəməsi ilə yanaşı, iki pasportunu (Braziliya və İspaniya pasportlarını) təhvil verib. Odur ki, futbolçu ölkəni tərk edə bilməyəcək. O, həftədə bir dəfə məhkəməyə gəlməlidir. Bu da Dani Alveşin sərbəst buraxılma anı. VİDEO https://t.me/doxsanplus/78756 Xatırlatma : Alveş son 14 aydır həbsdədir. 40 yaşlı Dani Alveş Barselonadakı "Sutton" gecə klubunda bir qıza təcavüz etməkdə ittiham olunub. Yanvarın 20-də keçmiş futbolçu nəzarətə götürülüb. Daha sonra o, 4,5 il həbs cəzasına məhkum edilib. Həmçinin mənəvi təzminat olaraq Alveşin zərərçəkənə 150 ​​min avro ödəməsi tələb olunub. Eyni zamanda İspaniya prokurorluğu Alveşin daha uzun müddət həbsdə qalması lazım olduğunu düşünərək məhkəmənin qərarından apellyasiya şikayəti verməyi planlaşdırıb. Mənbə: Daily Mail