"Barselona"nın və Braziliya millisinin sabiq müdafiəçisi Dani Alveşin nümayəndələri futbolçunun intihar etməsi ilə bağlı yayılan xəbərləri yalanlayıb. 90plus.az "Troll Football"a istinadən xəbər verir ki, Dani Alveşin mətbuat nümayəndələri oyunçunun vəkili ilə əlaqə saxladıqdan sonra son şayiələri təkzib edib. Xatırlatma : Ötən ilin yanvarında Alveş Barselonadakı "Sutton" gecə klubunda bir qıza təcavüz etməkdə ittiham olunub. Yanvarın 20-də keçmiş futbolçu nəzarətə götürülüb. Daha sonra Alveş 4,5 il müddətinə azadlıqdan məhrum edilib və həmçinin zərərçəkənə mənəvi təzminat olaraq 150 min avro ödəməyə məhkum edilib. Eyni zamanda, İspaniya prokurorluğu Alveşin 4,5 ildən artıq müddətə həbs olunmalı olduğunu düşünərək məhkəmənin qərarından apellyasiya şikayəti verməyi planlaşdırırdı. Ötən gecə isə dünya mediası Dani Alveşin həbsxanada intihar etdiyi barədə iddialar yayılmışdı.