"Everton" heyətinə yeni oyunçu cəlb edib. 90plus.az klubun rəsmi saytına istinadən xəbər verir ki, "Vilyarreal"ın hücumçusu Arno Danjuma Liverpul təmsilçisinə keçib. Niderland millisinin üzvü 2023-2024 mövsümündə icarə əsasında "Everton"da çıxış edəcək. O, yeni komandasında 10 nömrəli formanı geyinəcək. Qeyd edək ki, Danjuma ötən mövsümün 2-ci yarısını icarə əsasında "Tottenhem"də keçirib.