Braziliya millisinin sabiq üzvü Felipe Melo qadına qarşı təcavüzdə ittiham olunan sabiq komanda yoldaşları Dani Alveş və Robinyo haqda danışıb. 90plus.az xəbər verir ki, "Fluminense"nin 40 yaşlı yarımmüdafiəçisi "Globe Sporte"yə açıqlamasında ki, həmin futbolçuların cəzasını çəkməli olduqlarını bildirib " Mənim 15 yaşlı qızım var. Başıma gəlsəydi, mən burada müsahibə verməzdim. Biz başqa insanlara hörmət etməliyik. Frəqi yoxdur, qadın, ya da kişi. Onlar etdiklərinin əvəzini ödəməlidirlər. Çünki başqaları bunu etməsin deyə bir dərs olmalıdır. Çox ciddi məsələdir". Xatırlatma : Robinyo 2017-ci ilin noyabrında İtaliyada qrup şəklində zorlamaya görə 9 il müddətinə azadlıqdan məhrum edilib. Alveş isə ötən ilin noyabrında Barselonadakı gecə klublarının birində bir qıza təcavüz etdiyi üçün 4,5 il həbs cəzasına məhkum edilsə də, bir neçə gün əvvəl girov müqabilində zaminə buraxılıb.