Braziliyalı hücumçu Roberto Firmino karyerasını "Əl Əhli"də davam etdirəcək. 90plus.az xarici KİV-lərə istinadən xəbər verir ki, keçid işləri artıq yekunlaşıb, tərəflər anlaşıblar. Yaxın vaxtlarda transferin rəsmi olaraq açıqlanacağı bildirilib. 31 yaşlı futbolçu Səudiyyə Ərəbistanı klubu ilə 3 illik müqavilə imzalayacaq. Firmino bu yay "Liverpul"la müqaviləsi bitdikdən sonra azad agent kimi klubdan ayrılıb. O, 2015-ci ildən çıxış etdiyi “mersisaydlılar”la birlikdəd Premyer Liqa, Çempionlar Liqası, UEFA Superkuboku, klublararası dünya çempionatı, İngiltərə kuboku və Liqa Kubokunun qalibi olub. Hücumçu ötən mövsüm bütün turnirlərdə 35 oyuna çıxıb, 13 qol vurub və 5 qolun ötürməsini verib.