Fransanın əksər vətəndaşları ölkənin Yay Olimpiya və Paralimpiya Oyunlarına hazır olmadığını hesab edirlər. 90plus.az xəbər verir ki, sorğuda iştirak edənlərin 52 faizi mötəbər yarışın Fransada baş tutmasına qarşıdır. Səsvermədə 18 yaşdan yuxarı 1000-dən çox adam iştirak edib. Qadınların 55 faizi dünyanın müxtəlif ölkələrindən idmançıları və tamaşaçıları qəbul etmək gücündə olmadıqları qənaətindədir. Kişilərin isə 50 faizi bu fikirdədir. Yalnız 65 yaşdan yuxarı olanların 55%-i olimpiadaya hazır olduqlarına inanır. Qeyd : Paris-2024 Yay Olimpiya Oyunları 26 iyul – 11 avqust aralığında Parisdə keçiriləcək.